MAMLAKA YA ELIMU TANZANIA YATANGAZA UFADHILI

Nani anastahili kupata ufadhili

Mfuko wa Elimu unafadhili miradi ya taasisi za elimu katika ngazi zote na si kwa mtu mmoja mmoja. Ili kupata ufadhili taasisi inayoomba inatakiwa iwe imesajiliwa na mamlaka husika kama ifuatavyo:-

• Vyuo Vikuu – Tume ya Vyuo Vikuu Tanzania (TCU) (usaji kamili)
• Vyuo vya Ufundi –Baraza la Taifa la mafunzo ya Ufundi (NACTE)
• Vyuo vya Ualimu, shule za Sekondari, shule za Awali na Msingi- Wizara ya Elimu na Mafunzo ya Ufundi (WEMU) au Wizara ya Elimu

Angalizo:  Mfuko unafadhili ngazi zote za elimu kwa Tanzania Bara  na elimu ya juu kwa Tanzania Visiwani.

Ili kupata matokeo mazuri ya kazi ya Mfuko wa Elimu, Mamlaka imeanisha maeneo yanayopewa kipaumbele katika kutoa ufadhili.Maeneo hayo hufanyiwa maboresho mwaka hadi mwaka kulingana na mahitaji.
1.Utoaji wa vifaa vya kujifunzia na kufundishia
2.Ufadhili wa Mafunzo kwa wakufunzi katika fani maalum
3.Ufadhili wa vifaa vya kompyuta na kufunga mtandao wa mawasiliano ya teknolojia ya habari.
4.Kusaidia makundi maalum kama vile wanafunzi wenye ulemavu, yatima, wanafunzi wanaotoka katika familia maskini
5.Kufadhili kozi maalumu  za awali kwa wanafunzi wa kike wanaotarajia kujiunga na masomo ya sayansi katika ngazi za chuo.
6.Ujenzi, upanuzi, ukarabati wa madarasa, vyumba vya mihadhara, mabweni na hosteli za wasichana.
Angalizo: Maeneo haya ya vipaumbele yanaweza kubadilika kulingana na mahitaji ya wakati huo.